Saturday, December 19, 2009

ஓம்!




பழனியில் நாங்கள் தங்கியிருந்த 'ஷண்முகானந்தா லாட்ஜ்' நுழைவாயிலில் எங்களை வரவேற்ற முருகன் இவர்தான்.

கந்தரை, இந்நிலையில், இதுவரை பார்த்திராததால், சொக்கியிழுத்ததில், கவர்ந்ததில் ஆச்சர்யம் எதுவுமில்லை.

குழந்தை முகம்; அழகு முகம்; சாந்த முகம்; அருள் முகம்; நீறு முகம்; ஆறு முகம். வனத்தின் நடுவே அமைதியாய் அமர்ந்திருக்கும் சரவணனின் பின்னே உறுத்தாத ஒளிவட்டம் அழகுக்கு அழகு சேர்க்கிறது.

இளங்கையில் இளகிய வேல் (இறுக்கமாய்ப் பிடிக்காதது நோக்கத் தக்கது); மயிலை அணைத்தபடி, மயிலோ பாம்பை அணைத்தபடி, பாம்போ படமெடுத்து இளவலை வேண்டுகிறது.

அங்கங்களுக்குரிய ஆபரணங்கள் அளவாகவும், கச்சிதமாயும் அமைக்கப்பெற்றிருப்பது இன்னொரு ஆச்சர்யம்.

மரத்தின் கீழ் அமர்ந்திருக்கும் சிங்கார வேலனின் தோற்றம் எனக்கு 'தக்ஷ¢ணாமூர்த்தி'யை நினைவூட்டுவது வியப்பில்லை; 'அப்பனுக்கு பாடம் சொன்ன சுப்பையன்' ஆயிற்றே?!

2 comments:

Sumi said...

kanda naal mudhal, karunai shiva balanai kanda naal mudhal kadhal perugudhadee !!! no mention about pazhani panchamritham? just kidding, nice post.

திவா said...

ஆமாம் வித்தியாசமாதான் இருக்கார்!

முந்தைய பதிவுகள்

Followers